我。”陶云甫道：“耐起先就做过个媒人哉，故歇挨耐勿着。”说得大家皆笑。
    独朱淑人一呆，逡巡近案，从侧里偷觑那封信，仅得一言半句，已被其兄蔼人收藏。淑人心中忐忑乱跳，脸上却不露分毫，仍逡巡退归原座，复膜过眼去偷觑同双玉，似觉不甚理会，才放了些心。
    接着管家又报说：“葛二少爷来。”只见葛仲英挚着吴雪吞并卫霞仙，相偕并至。齐韵叟诧异道：“阿是耐带仔霞仙一淘来？”葛仲英道：“勿是，就园门口碰着个霞仙。”韵叟自知一时误会，随令管家快请马师爷。尹痴鸳向韵叟道：“耐喜欢做媒人末，俚哚倪子要养快哉，耐为啥勿替俚哚做？”陶云甫抢说道：“俚哚用勿着媒人，自家勿声勿响，就房间里点仔对大蜡烛拜个堂。我倒吃着个喜酒。”大家大笑哄堂。
    苏冠香上前拉着齐韵叟问道：“耐阿晓得，昨日夜头素兰先生勿是碰和末，做个啥？”韵叟道：“勿曾问俚。”冠香道：“我倒问过哉，也来没房间里点仔对大蜡烛拜个堂呀。”韵叟不胜错愕。孙素兰遂将三人结拜姊妹之事，缕述分明。韵叟道：“拜姊妹倒无啥，为啥单是三个人拜嗄？要拜末一淘拜，我来做个盟主。昨日夜头勿算，今朝先生、小姐才到齐仔，一淘再拜个姊妹，阿好？”孙素兰默然，苏冠香咬着指头要笑，其余皆不在意。
    韵叟即命小青去喊琪官、瑶官。高亚白向韵叟道：“难末耐个生意到哉，起劲得来！连搭仔做媒人也（要勿）做哉。”韵叟道：“‘我有停生意末，耐要做生活哉（口

本章还未完，请点击下一页继续阅读>>>