午开饭，浣芳关切，叫道：“阿姐，起来囗。”漱芳懒于开口，听凭浣芳连叫十来声，置若罔闻。浣芳高声道：“姐夫来囗，阿姐啥勿响哉嗄。”漱芳厌气，挣出一句道：“我要困，（要勿）响。”玉甫忙拉开浣芳，叮咛道：“耐（要勿）去噪，阿姐来里勿适意。”浣芳道：“为啥勿适意哉嗄？”玉甫道：“就为仔耐（口宛）！耐个病过拨仔阿姐，耐倒好哉。”浣芳发极道：“价末教阿姐再过拨仔我末哉呀。我生仔病，一点点勿要紧。姐夫陪仔我，搭阿姐讲点闲话，倒蛮开心个呀。”玉甫不禁好笑，却道：“倪吃饭去罢。”浣芳无心吃饭，仅陪王前应一应卯。
    饭后，李秀姐闻信出来，亲临抚慰，忧形于色。玉甫说起：“昨日传闻有个先生，我想去请得来看。”漱芳听得，摇手道：“耐阿哥说倪喜欢生病，再要问俚请先生！”玉甫道：“我一径去问钱子刚好哉。”漱芳方没甚话。李秀姐乃撺掇玉甫去问钱子刚请那先生。