，钻进被里，响说道：“姐夫，讲点闲话拨阿姐听听囗。”玉甫道：“讲啥？”浣芳道：“随便啥讲讲末哉呀。”玉甫未及答话，漱芳笑道：“耐不过要我床浪来，啥个几花花头，阿要讨气！”说着，真的与玉甫并坐床沿。浣芳把被蒙头，亦自“格格”失笑，连玉甫都笑了。
    浣芳因阿姐、姐夫同在相陪，心中大快，不觉早人黑甜乡中。玉甫清闲无事，敲过十一点钟，就与漱芳并头睡下。漱芳反复床中，久不着（目忽）。玉甫知其为浣芳，婉言劝道：“俚小干仵，发个把寒热无啥要紧。耐也好勿多两日，当心点囗。”漱芳道：“勿是呀，我个心勿晓得那价生来没，随使啥事体，想着仔个头，一径想下去，就困勿着。自家要豁开点，也匆成功。”玉甫道：“故末就是耐个病根（口宛），难（要勿）去想哉。”漱芳道：“故歇我就想着仔我个病。我生仔病，倒是俚第一个先发极。有辰光，耐匆来浪，就是俚末陪陪我。别人看见仔也讨厌；俚陪仔我，再要想出点花头，要我快活。故歇俚个病，我也晓得如要紧，等俚歇末哉，心浪终好像勿局。”
    玉甫再要劝时，忽闻那头浣芳翻了个身，转面向外。漱芳坐起身，叫声“浣芳”，不见答应；再去按他额角，寒热未退，夹被已掀下半身，再盖上些，漱芳才转身自睡。玉甫续劝道：“耐心里同俚好，（要勿）去瞎费心。耐就想仔一夜天，俚个病原勿好；倘忙耐倒为仔困勿着，生起病来囗，阿是加二勿好？”漱芳长叹道：“俚也苦恼，生仔病，就是我一干仔替俚当心点。”玉甫道

本章还未完，请点击下一页继续阅读>>>