要好个，再要全绿，常恐要千把哚囗。”蕙贞插嘴边：“我说一千洋钱还勿够囗。耐去算囗，一对钏臂末，就几百洋钱也匆稀奇（口宛）。”善卿同蕙贞：“阿是耐要买？”蕙贞倒笑起来道：“洪老爷说笑话哉！倪末阿配嗄？金个还勿曾全囗，要翡翠个做啥？”善卿料知是为沈小红办的了。
    当时蕙贞去客堂窗下梳头，莲生躺在榻床上吸烟。善卿移坐下手，问莲生道：“沈小红搭，耐今年用脱仔勿少钱呀，再要办翡翠头面拨俚？”莲生蹙（安页）不语。善卿道：“我说耐就回头仔俚也无啥。”莲生叹口气道：“耐先搭俚办两样再说。”善卿度不可谏，不若见机缄口为妙。
    须臾，娘姨搬上聚丰园叫的四只小碗，并自备的四只荤碟；又烫了一壶酒来。莲生请善卿对坐小酌。