。到仔乡下，屋里向大半年个柴、米、油、盐一点点无拨，故末搭啥人去商量嗄？”善卿着实叹口气道：“耐说来说去末，总归勿转去个哉。我也无啥大家当来照应外甥，随便做啥，勿关我事。从此以后，（要勿）来寻着我，坍我台！耐总算无拨我该个兄弟！”说毕起身，绝不回头，昂藏径去。
    洪氏摊在椅上，气个发昏。二宝将手帕遮脸，呜咽不止。朴斋、阿巧等善卿去远，方从屏门背后出来。朴斋蚩蚩侍立，欲劝无从。阿巧讶道：“我道仔啥人，是洪老爷（口宛）。啥实概嗄！”