：“故是姚奶奶失斟酌哉！倪搭季莼见也同过几转台面，总算是朋友。姚奶奶到该搭来，季莼见面浪好像勿好看相。”霞仙道：“啥勿好看相？出色得野哚！二少爷一径生意勿好，该着仔实概一个家主婆，难末要发财哉！”
    翟掌柜摇手止住，转劝姚奶奶道：“姚奶奶故歇请回府，有啥闲话末，教季莼兄来说好哉。”姚奶奶无可如何，一口气奔上喉咙，“哇”的一声要哭，慌忙立起身来，带领娘姨出房下楼。霞仙还冷笑道：“姚奶奶再坐歇囗。倘忙二少爷来仔末，我教娘姨来请耐！”
    姚奶奶踅至楼下，忍不住呜呜咽咽，大放悲声，似乎连说带骂，却听不清楚，仍就门首上轿而回。
    姚奶奶既去，霞仙新妆亦罢，越想越觉好笑，道：“蛮体面个二少爷，难看俚阿好出来做人！一个奶奶跑到堂子里拉客人，赛过是野(又鸟)哉（口宛）！”卫姐也叹口口气道：“做仔个奶奶，再有啥勿开心咱家走上门来，讨倪骂两声，阿要倒运！”霞仙道：“耐末也（要勿）说哉！勿曾拨俚丁倒骂两声，总算耐运气！”卫姐微笑自去。
    翟掌柜问：“为啥要了倒拨俚骂两声？”霞他笑而告诉道：“愧无(女每)末真真是好人。二少爷就日日到倪搭来，倪也无啥说匆出（口宛）；倪无(女每)定归要说是二少爷长远匆来哉，倒好像是倪怕俚。再有个阿巧，加二讨气！前日仔宣卷，楼浪下头几花客人来浪，喊俚冲茶，勿晓得到仔陆里去哉，客人个茶碗也匆曾加；今朝二少爷家主婆来仔，耐勿曾看见俚巴结得来！

本章还未完，请点击下一页继续阅读>>>