素芬复道：“倪该搭是小场花，请大人到该搭来，生来勿配。耐也一径冤屈煞哉。难末拣着个大场花，要适意点哚。”蔼人笑道：“难末真真倒诧异哉。我阿曾去做屠明珠，耐啥就吃醋嗄？”素芬道：“耐要做屠明珠去做末哉（口宛），我也匆曾拉牢仔耐。”蔼人笑道：“我就匆说哉，随便耐去说啥罢。”素芬鼻子里哼了一声，咕噜道：“耐末去拍屠明珠个马屁，屠明珠阿来搭耐要好嗄？”蔼人笑道：“啥人要俚来要好？”素芬仍咕噜道：“耐就摆仔十个双台，屠明珠也无哈希奇；搭耐要好末倒勿见好，情愿去做铲头客人。上海滩浪也单有耐一个。”蔼人笑道：“耐（要勿）动气，明朝夜头我也来摆个双台末哉。”
    素芬呆着脸，也不答言。蔼人过去搀了素芬的手，至榻床前，央及道：“搭我装筒烟囗。”素芬道：“倪是毛手毛脚，勿比得屠明珠会装囗！”口中虽如此说，却已横躺着拿签子烧起烟来。蔼人挨在膝前坐了，又伏下(禁止)子向素芬耳朵边低声说道：“耐一径搭我蛮要好，故歇为仔个屠明珠，啥气得来？耐看我阿要去做屠明珠？”素芬道：“耐是倒也说勿定。”蔼人道：“我再去做别人，故末说勿定；要说是屠明珠，就算俚搭我要好末，我也匆高兴去做俚。”素芬道：“耐去做勿做关倪啥事体！耐也（要勿）来搭我说。”蔼人乃一笑而罢。
    素芬装好一口烟，放下烟枪，起身走开。蔼人自去吸了，知道素芬还有些芥蒂，遂又自去开了抽屉，寻着笔砚票头随意点几色菜水。素芬看见，装做不理；等蔼人

本章还未完，请点击下一页继续阅读>>>