！”小红笑道：“倪倒勿是要洪老爷搭倪说好话，也匆是怕洪老爷说倪啥邱话，为仔洪老爷是王老爷朋友末，倪得罪仔洪老爷，连搭倪王老爷也有点难为情，好像对勿住朋友哉（口宛）。洪老爷阿是？”王莲生叉口剪住道：“（要勿）说哉，请坐罢。”
    大家一笑，齐出至当中间，入席让坐。陈小云乃问洪善卿道：“庄荔甫请耐陆秀宝搭吃酒，耐阿去？”善卿愕然道：“我匆晓得（口宛）。”小云道：“荔甫来请我，说耐也来哚。我想荔甫做陆秀林（口宛），陆秀宝搭阿是搭啥人代请嗄？”善卿道：“我外甥赵朴斋末，陆秀宝搭吃过一台酒。今夜头勿晓得阿是俚连吃一台？”
    一时，台面上叫的局络绎而来，果然周双珠带一张聚秀堂陆秀宝处请帖与洪善卿看，竟是赵朴斋出名。善卿问陈小云“阿去”。小云道：“我匆去哉，耐囗？”善卿道：“我倒间架来里，也只好勿去。”说罢丢开。
    罗子富见出局来了好几个，就要摆起庄来。王莲生向杨柳堂、吕杰臣道：“耐哚喜欢闹酒，倪也有个子富来里，去闹末哉。”沈小红道：“倪今朝倒忘记脱仔，勿曾去喊小堂名。喊仔一班小堂名来也要闹热点哚。”汤啸庵笑道：“今年阿是二月里就交仔黄梅哉，为啥多花人嘴里向才酸得来！”洪善卿笑道：“到仔黄梅天倒好哉，为仔青梅子比黄梅子酸得野哚！”说得客人、倌人哄堂大笑。
    王莲生要搭讪开去，即请杨柳堂、吕杰臣伸拳打罗子富的庄。当下开筵坐花，飞觞醉月，丝哀竹急，弃侧铰横，才把

本章还未完，请点击下一页继续阅读>>>