云倒四色都领略些。巧珍道：“有辰光教耐吃点心，耐（要勿）吃。今朝倒吃仔多花。”小云笑道：“为仔阿姐去买起点心来请倪，倪少吃仔好像对勿住，阿是？”爱珍笑道：“陈老爷，耐倒说得倪来难为情煞哉！粗点心阿算啥敬意嗄？”
    娘姨绞过手巾，阿海也来回说：“马车浪催仔几埭哉，我恨得来！”巧珍道：“倪也是好去哉，点心也吃过哉。”小云笑道：“耐算搭阿姐客气，吃仔点心谢也匆谢，倒就要想去哉。也是个（要勿）面孔。”巧珍笑道：“耐勿去，阿要想吃夜饭？”爱珍笑道：“便夜饭是倪也吃得起哉，就请勿到陈老爷（口宛）。”当时小云、巧珍道谢告辞而行。