第五回垫空当快手结新欢包住宅调头瞒旧好(1)
    按：当下上灯时候，王莲生下楼上轿，抬至东合兴里吴雪香家。来安通报。娘姨打起帘子，迎到房里。只有朱蔼人和葛仲英并坐闲谈；王莲生进去，彼此拱手就坐。莲生叫来安来吩咐道：“耐到对过姚家去看看，楼浪房间里物事阿曾齐。”
    来安去后，葛仲英因问道：“我今朝看见耐条子，我想，东合兴无拨啥张蕙贞（口宛）。后来相帮哚说，明朝有个张蕙贞调到对过来，阿是嗄？”朱蔼人道：“张蕙贞名字也匆曾见过歇，耐到陆里去寻出来个嗄？”莲生微笑道：“谢谢耐哚，晚歇沈小红来，（要勿）说起，阿好？”朱蔼人、葛仲英听了皆大笑。
    一时，来安回来禀说：“房间里才舒齐哚哉。四盏灯搭一只榻床，说是匆多歇送得去，榻床末排好，灯末也挂起来哉。”莲生又吩咐道：“耐再到祥春里去告诉俚哚。”来安答应，退出客堂，交代两个轿班道：“耐哚（要勿）走开。要走末，等我转来仔了去。”说毕出门，行至东合兴里弄口，黑暗里闪过一个人影子，挽住来安臂膊。来安看是朱蔼人的管家，名叫张寿，乃嗔道：“做啥嗄，吓我价一跳！”张寿问：“到陆里去？”来安搀着他说：“搭耐一淘去白相歇。”
    于是两人勾肩搭背，同至祥春里张蕙贞家，向老娘姨说了，叫他传话上去。张蕙贞又开出楼窗来，问来安道：“王老爷阿来嗄？”来安道：“老爷来哚吃酒，勿见得来哉囗。”蕙贞道：“吃酒叫啥人？”来安道：“勿晓

本章还未完，请点击下一页继续阅读>>>