第四回看面情代庖当买办丢眼色吃醋是包荒(1)
    按：汤啸庵拉罗子富坐下，说道：“耐啥要紧囗？我说末，耐先教月琴先生打发个娘婉转去，摆起台面来。善卿坎坎来，也让俚摆个庄，等蔼人转来仔一淘过去，俚哚也舒齐哉，阿是嗄？耐第歇去也不过等来哚，做啥呢？”罗子富连说“勿差”。子富叫的两个倌人，一个是老相好蒋月琴，便令娘姨转去：“看俚哚台面摆好仔末再来。”
    洪善卿四面一看，果然不见朱蔼人，只有林素芬和汤啸庵应酬台面。还有素芬的妹子林翠芬，是汤啸庵叫的本堂局，也帮着张罗。洪善卿诧异，问道：“蔼人是主人（口宛），陆里去哉囗？”汤啸庵道：“黎篆鸿说句闲话，教俚去一埭，要转来快哉。”洪善卿道：“说起黎篆鸿，倒想着哉。”即向陈小云道：“荔甫要问耐，一篇帐阿曾拿到黎篆鸿搭去？”陈小云道：“我托蔼人拿得去哉。我看价钱开得忒大仔点。”洪善卿道：“阿晓得第号物事陆里来个嗄？”陈小云道：“说是广东人家，细底也勿清爽。”罗子富向洪善卿道：“我也要问耐，耐阿是做仔包打听哉？双珠先生有个广东客人，勿晓得俚细底，耐阿曾搭俚打听歇？”大家呵呵一笑。洪善卿也笑了。周双珠道：“倪陆里有啥广东客人嗄，耐倒搭倪拉个广东客人来做做哉（口宛）。”
    罗子富正要回言，洪善卿拦住道：“（要勿）瞎说哉。我摆十杯庄，耐来打。”罗子富挽起袖子，与洪善卿豁拳，一交手便输了。罗子富道：“豁仔一淘吃。”接连豁了五

本章还未完，请点击下一页继续阅读>>>